သွေးတွေ ချွေးတွေ ရင်းခဲ့ရတာ မဟုတ်ပေမယ့်
နှလုံးသားတစ်ခုလုံး ငုံ့ ကြည့်စရာမကျန်အောင်
အချစ်ဆိုတဲ့ ဝေါဟာရအဓိပ္ပါယ်ကို
မနူးမနပ် သင်အံခဲ့စဉ်က
ရင်ခုန်သံဆိုတဲ့ စကားကို
ခဏ ခဏ နေမြင့်ခဲ့ဖူးတယ် ။
အချစ်ဆိုတဲ့ ဝေါဟာရအဓိပ္ပါယ်ကို
နွေးနွေးထွေးထွေး နားလည်တတ်မြောက်ခဲ့တော့
ဒုက္ခဆိုတဲ့ တရားကို
နှုတ်က တဖွဖွ ရေရွတ်မိတယ် ။

မိုးပြိုမှာကို စိုးရိမ်ပူပန်နေစဉ်မှာပဲ
ကောင်းကင်တစ်ခုလုံး
တိတ်ဆိတ်စွာ ပြိုပျက်သွားခဲ့ရတာပါ
အစားမထိုးချင်ဘူး ချစ်သူရေ . . .
ကောင်းကင်အစအန ဖရိုဖရဲတွေကြားမှာပဲ
မျက်ရည်တို့ ပြိုလဲရင်းနဲ့
ဆွံ့အ တဲ့ သံစဉ်သီချင်းကို
တစ်ကိုယ်တည်း
ခပ်တိုးတိုးလေး ညည်းနေတော့မယ် ။

အခမ်းနားဆုံးနဲ့ အခိုင်မြဲဆုံးအချစ်တစ်ခုပဲ . . . လို့
မယိုင်မလဲနဲ့ ယုံကြည်ခဲ့ပေမယ့်
ငါ . . .
တိမ်တိုက်တွေရဲ့ ဖြစ်တည်မှုကို
ထာဝရ . . . လို့
ထင်မှတ်မှားခဲ့သူပါ ။

ချစ်သူက ပြောဖူးတယ်
ကောက်ရိုးတစ်မျှင် . . . တဲ့
သွေးရူးသွေးတမ်း ဆုပ်ကိုင်ခိုတွယ်ခဲ့ဖူးတဲ့
ကောက်ရိုးတစ်မျှင်ကို
အခုတော့မှ
မျောချင်ရာမျော
ဒရောသောပါး ဖြည်ချလိုက်တာ
အချစ်တဲ့လား . . .

တယုတယနဲ့ ထိတွေ့နမ်းရှိုက်နေတုန်း
လွတ်ကျကွဲရှသွားတဲ့
နံနက်ခင်းအစိတ်အပိုင်းတွေကိုပဲ
ရိုးဖြောင့်စွာနဲ့
နောက်တစ်ခေါက် မိုးသောက်စေချင်တယ်


မေ့ပစ်လိုက်ပါ . . . တဲ့
နှလုံးသားကို ခုန်အုပ်
ဖုန်မှုန့်တို့ ပေကျံခဲ့ဖူးတဲ့
အိပ်မက်တို့ရဲ့ အရိပ်အခက်တို့
အဆိပ်ခတ် လုပ်ကြံ
ငါ့ အာဝါသတွေ
မာနဆိုတဲ့ မီးနဲ့
ပြာချခံလိုက်ရပေမယ့်
နင့်ကို မေ့လိုက်ဖို့ဆိုတာ
မလွယ်ကူဆုံးပါ ချစ်သူ . . .

အချစ်ဆုံး . . . လို့
ရင်ထုမနာ ကြွေးကြော်နေတုန်းမှာပဲ
အိပ်မက်တွေကို
ဖျက်ဖြိုသွားခဲ့ပြီ

ကောက်ကွေ့တဲ့ မြစ်တစ်စင်းက မာယာဆိုရင်
ခြောက်သွေ့တဲ့ ချစ်ခြင်းနဲ့ ငါဟာ . . .
နောက်တစ်နေ့ရဲ့ ၀ပ်ကျင်းထဲမှာ
ဒဏ်ရာတွေကို
အခါခါ သာယာနေတော့မယ်

သစ္စာ . . . သစ္စာ
အဲဒီ့ သစ္စာကို ငါ့ဆီမှာတောင် မတွေ့ခဲ့ဖူးလို့
ရွက်လွှင့်ရှာဖွေလာခဲ့တာ နှစ်ပေါင်းနှစ်ဆယ်
တွေ့မယ့်တွေ့တော့လည်း
တစ်ခြမ်းပွင့်ရင်ဘတ်ထဲမှာ

အလိမ်အညာ မုသာဝါဒကို
ဟန်ဆောင်မှုရဲ့ ချိုမြိန်ခြင်းအတုနဲ့
ဖုံးကွယ်ထိမ်ဝှက်ခဲ့တယ်လို့
ဘယ်တော့မှ မထင်ရက်ပါဘူး ကောင်မလေးရယ် . . .

သွေးတွေ ချွေးတွေ ရင်းခဲ့ရတာ မဟုတ်ပေမယ့်
နှလုံးသားတစ်ခုလုံး ငုံ့ ကြည့်စရာမကျန်အောင်
ရင်းခဲ့တာပါ
ယုံကြည်မှုတွေ ရင်းခဲ့
မျှော်လင့်ခြင်းတွေ ရင်းခဲ့ပေမယ့်
အားလုံးကို နင်းဖဲ့ ခြွေခဲ့သူ . . . . . . . . . . . .



ကြောင်းကျိုးမဲ့ ဆင်ခြင်အသိဥာဏ်တွေနဲ့
ငါ့ရဲ့
ခပ်ထူထူ နေမ၀င်အဘိဓာန်
ရာဇ၀င်ရိုင်းခဲ့ရပြီ
ငါကလည်း ချစ်မိတာကို . . .

လေထဲမှာ လွင့်မျောဖူးတဲ့ ဆည်းလည်းသံ
လျှပ်စစ်လိုင်းထဲက ဆည်းလည်းသံ
အခုတော့လည်း . . .
ငါမြတ်နိုးလွန်းတဲ့ ဆည်းလည်းသံလေး
ငါ့အတွက် (သီးသန့်) ဆွံ့အ ခဲ့ရပါပေါ့

ငါ့ကို သိမ်းသွင်းခဲ့တဲ့ ဆည်းလည်းသံချို
ငါ့ရင်ခုန်သံတွေကို သိမ်းပိုက်အပြီး
ငါ မသိမ်းဆည်းလိုက်နိုင်ခင်မှာပဲ
ငါ့ မျှော်လင့်ခြင်းတွေကိုပါ
သိမ်းကျုံးယူဆောင်သွားခဲ့ပြီ

လွှတ်လေ ဝေးလေ
လိုက်လေ ပြေး၏
မိန်းမဟူဘိ ထိုဣတ္ထိကား
မရှိမကောင်း ရှိမကောင်းတည်း
မပေါင်းလည်းခတ် ပေါင်းလည်းခတ်၏

လှုပ်လေ မြုပ်လေ
ရုန်းလေ နစ်၏
အချစ်ဟူသည့် ထိုစိတ်အသိကား
မရှိမကောင်း ရှိမကောင်းတည်း
မပေါင်းလည်းခတ် ပေါင်းလည်းခတ်၏

ကောင်းသော မင်္ဂလာနံနက်ခင်းပါ ချစ်သူ
ငါတော့ . . .
အိပ်မက်ဆိုးတွေနဲ့ မနိုးနိုင်သေးတဲ့
မှုန်မှိုင်းမှိုင်း နံနက်ခင်းတွေနဲ့ပဲ
ထုံထိုင်းထိုင်း ရုန်းကန်ရင်း
လွမ်းနာကျနေရတော့မယ်

ဤတရားကို မည်သူစီရင်ခဲ့ပါသနည်း
ကံကြမ္မာ . . .
သူ . . .
ကျွန်တော် . . .
. . . . . . . . . . . . . . . . ။ ။